На 12.11.2024 год. се одржа завршната манифестација по повод одбележувањето на Месецот на книгата во организација на ЈОУ Библиотека „Тане Георгиевски“ од Куманово. Оваа традиционална општинска манифестација со години е дел од активностите на учениците од ООУ „Магдалена Антова“ – Куманово кои учествуваат на литературниот, ликовниот и натпреварот по библиотекарство.
Меѓу наградените се и нашите ученички Мила Митровска и Тијана Кипријановска кои твореа на тема „Желбата и љубовта се крилја за пишаниот збор“. Тие учествуваа на литературниот натпревар во пишување проза и поезија и ги освоија следните награди: Мила Митровска IX Г одд. – III место поезија (ментор – Тања Младеновиќ); Тијана Кипријановска VIII А одд. – II место поезија (ментор – Валентина Петрушевска).
Наградените ученички заедно со своите ментори присуствуваа на културно-уметничката приредба организирана во таа чест, каде што им беа врачени соодветни награди и дипломи.